હાઇડ્રાસ્યોરનું ભારતમાં સત્તાવાર લોન્ચ, રોજિંદા જીવનમાં હાઇડ્રેશનને આદત બનાવવાની દિશામાં પહેલ

એન્ટિલા લાઇફ સાયન્સિસના નવા કન્ઝ્યુમર બ્રાન્ડનો ઉદ્દેશ ORSને બીમારી અને રિકવરી પૂરતું મર્યાદિત રાખવાની માન્યતાથી આગળ લઈ જવાનો છે; સાથે સમગ્ર દેશમાં વિસ્તરણની તૈયારી

અમદાવાદ, ગુજરાત | ૦૯ ઓક્ટોબર ૨૦૨૬ | એન્ટિલા લાઇફસાયન્સિસ પ્રાઇવેટ લિમિટેડના હાઇડ્રેશન બ્રાન્ડ હાઇડ્રાસ્યોર નું ભારતમાં સત્તાવાર લોન્ચ કરવામાં આવ્યું છે. આ બ્રાન્ડનો ઉદ્દેશ ઓરલ રિહાઇડ્રેશન સોલ્યુશન (ORS) અંગેની પરંપરાગત માન્યતાને વિસ્તૃત કરવાનો અને હાઇડ્રેશનને રોજિંદા જીવનનો એક ભાગ બનાવવાનો છે. આ સત્તાવાર લોન્ચ માર્ચ 2026માં કરવામાં આવેલા પ્રારંભિક માર્કેટ પાઇલટ બાદ થયું છે. આ પાઇલટ દરમિયાન કંપનીએ ગ્રાહકોની પ્રતિક્રિયા અને કેટેગરીની સંભાવનાઓને સમજવા પર ધ્યાન કેન્દ્રિત કર્યું હતું.

સત્તાવાર લોન્ચ સાથે હાઇડ્રાસ્યોર હવે સમગ્ર ભારતમાં પોતાના વિસ્તરણની તૈયારી કરી રહ્યું છે. બ્રાન્ડની યોજના રિટેલ, મોર્ડન ટ્રેડ, ઇ-કોમર્સ, ક્વિક કોમર્સ, HORECA, સંસ્થાઓ અને કી એકાઉન્ટ્સ મારફતે પોતાની પહોંચ વધારવાની છે. હાલમાં હાઇડ્રાસ્યોર ગુજરાત, રાજસ્થાન, દિલ્હી-NCR, મધ્ય પ્રદેશ, પશ્ચિમ બંગાળ, આસામ અને નોર્થઇસ્ટ સહિતના અનેક બજારોમાં ઉપલબ્ધ છે. કંપનીનો ઉદ્દેશ સમર 2027 પહેલાં સમગ્ર ભારતમાં પોતાની હાજરીને વધુ મજબૂત કરવાનો છે.

હાઇડ્રાસ્યોરની વ્યૂહરચનાનો મુખ્ય હિસ્સો ORSને માત્ર બીમારી, નબળાઈ અથવા રિકવરી સાથે જોડાયેલી પ્રોડક્ટ તરીકે જોવાની માન્યતાને બદલવાનો છે. બ્રાન્ડ હાઇડ્રેશનને મુસાફરી, આઉટડોર એક્ટિવિટી, ફિટનેસ, લાંબા કામકાજના કલાકો, ગરમી અને રોજિંદા જીવનની અન્ય પરિસ્થિતિઓમાં પણ જરૂરી માનવશરીરની જરૂરિયાત તરીકે રજૂ કરવા માગે છે.

એન્ટિલા લાઇફસાયન્સિસના મેનેજિંગ ડિરેક્ટર અને હાઇડ્રાસ્યોરના ફાઉન્ડર શ્રી રાહિલ શાહ એ જણાવ્યું હતું કે, “ભારતમાં ORS કેટેગરીએ વર્ષોથી ગ્રાહકોનો વિશ્વાસ મેળવ્યો છે, પરંતુ સામાન્ય રીતે તેને એક મેડિકલ પ્રોડક્ટ તરીકે જોવામાં આવે છે. બદલાતી જીવનશૈલી, મુસાફરી અને ફિટનેસ પ્રવૃત્તિઓમાં વધારો તથા સ્વાસ્થ્ય પ્રત્યે વધતી જાગૃતિ વચ્ચે અમને હાઇડ્રેશનને રોજિંદી જરૂરિયાત તરીકે રજૂ કરવાની તક દેખાઈ. હાઇડ્રાસ્યોર આ વિચારને આગળ વધારવાનો અમારો પ્રયાસ છે.”

કંપનીના જણાવ્યા અનુસાર, ORS અંગે ગ્રાહકોમાં હજુ પણ એવી માન્યતા છે કે તેનો ઉપયોગ મુખ્યત્વે ઉલટી, તાવ, ઝાડા અથવા નબળાઈ જેવી પરિસ્થિતિઓમાં કરવામાં આવે છે. હાઇડ્રાસ્યોર આ માન્યતાને વધુ વ્યાપક બનાવવાનો પ્રયાસ કરી રહ્યું છે, સાથે જ ORS કેટેગરી સાથે જોડાયેલા વિશ્વાસ અને વિશ્વસનીયતાને જાળવી રાખવા પર પણ ભાર મૂકી રહ્યું છે.

બ્રાન્ડે પોતાના પ્રોડક્ટ પોર્ટફોલિયોમાં સુવિધાજનક પેક અને વિવિધ ફ્લેવર્સને સ્થાન આપ્યું છે. તેના વર્તમાન રેડી-ટુ-ડ્રિંક પોર્ટફોલિયોમાં 200 ml ટેટ્રા પેક ઉપલબ્ધ છે, જે કોકોનટ, નિંબુ પાણી અને ઓરેન્જ ફ્લેવરમાં આવે છે. તેની MRP ₹31.50 છે. આ ઉપરાંત ઓરેન્જ, કોકોનટ અને વોટરમેલન ફ્લેવરમાં 21.80 ગ્રામના ORS સેશેટ્સ પણ ઉપલબ્ધ છે, જેની MRP ₹23.33 છે. કંપનીના જણાવ્યા મુજબ, આ પ્રોડક્ટ્સ WHO દ્વારા ભલામણ કરવામાં આવેલા ORS ફોર્મ્યુલા પર આધારિત છે.

હાઇડ્રાસ્યોર પોતાના રેડી-ટુ-ડ્રિંક પોર્ટફોલિયોમાં વોટરમેલન ફ્લેવર ઉમેરવાની તૈયારી કરી રહ્યું છે. આ ઉપરાંત કંપની હાઇડ્રેશનની વિવિધ જરૂરિયાતોને ધ્યાનમાં રાખીને નવા પ્રોડક્ટ્સ વિકસાવી રહી છે.

હાઇડ્રાસ્યોરના કો-ફાઉન્ડર સુશ્રી વિધિ પ્રજાપતિ એ જણાવ્યું હતું કે, “ઘણીવાર આપણને શરીરને પૂરતા પ્રમાણમાં પ્રવાહીની જરૂરિયાત છે તે વાતનો ખ્યાલ જ આવતો નથી. થાક અથવા ધ્યાન કેન્દ્રિત ન કરી શકવાને આપણે ઘણી વખત માત્ર વ્યસ્ત દિવસનો ભાગ માની લઈએ છીએ. હાઇડ્રાસ્યોરનો ઉદ્દેશ હાઇડ્રેશનને એવી રોજિંદી આદત બનાવવાનો છે, જેને લોકો થાક અનુભવાય તેની રાહ જોયા વિના પોતાની દિનચર્યામાં સામેલ કરી શકે. જો હાઇડ્રેશનને રોજિંદી આદત બનાવવી હોય તો તેને સરળ અને સુવિધાજનક બનાવવું પણ જરૂરી છે. આ જ વિચાર સાથે અમે નવા ફોર્મેટ્સ અને પ્રોડક્ટ્સ વિકસાવી રહ્યા છીએ.”

ORSથી આગળ વધીને હાઇડ્રાસ્યોર એક વ્યાપક હાઇડ્રેશન પોર્ટફોલિયો તૈયાર કરી રહ્યું છે. કંપનીની આગામી યોજનાઓમાં ભારતીય અને એથનિક ફ્લેવર્સવાળા હાઇડ્રેશન સપ્લિમેન્ટ પાઉડર, હાઇડ્રેશન બોમ્બ્સ, ફ્રૂટ વોટર અને ફ્રૂટ ડ્રિંક્સ, હાઇડ્રેશન જેલ્સ તથા હાઇડ્રેશન અને રિકવરી ડ્રિંક્સનો સમાવેશ થાય છે. ગ્રાહકોની બદલાતી જરૂરિયાતોને ધ્યાનમાં રાખીને કંપની હાઇડ્રેશન સાથે જોડાયેલી અન્ય કેટેગરીઓ પર પણ કામ કરી રહી છે.

કંપનીના જણાવ્યા અનુસાર, નવા પ્રોડક્ટ્સ માટે રિસર્ચ અને ડેવલપમેન્ટનું કામ ચાલી રહ્યું છે. વર્તમાન તેમજ આગામી પ્રોડક્ટ્સ ગ્રાહકોની જરૂરિયાતો અને પ્રોડક્ટ રિસર્ચના આધારે વિકસાવવામાં આવી રહ્યા છે.

ગ્રાહકો સાથે સીધો સંપર્ક વધારવા માટે બ્રાન્ડ ઓન-ગ્રાઉન્ડ એક્ટિવેશન પર પણ ધ્યાન કેન્દ્રિત કરી રહ્યું છે. હાઇડ્રાસ્યોરે 15થી વધુ અગ્રણી ગરબા સ્થળોએ હાઇડ્રેશન એક્ટિવેશન કર્યા છે. આ ઉપરાંત બ્રાન્ડે આઈફોન ડ્યુઓ કોન્ટેસ્ટ જેવી કન્ઝ્યુમર એંગેજમેન્ટ પહેલ પણ હાથ ધરી છે. આગામી સમયમાં કોન્ટેસ્ટ અને આકર્ષક કન્ઝ્યુમર ડ્યુરેબલ્સના ગિવઅવે દ્વારા ગ્રાહકો સાથે વધુ જોડાવાની યોજના છે.

સત્તાવાર લોન્ચ બાદ કંપની પોતાના ડિસ્ટ્રિબ્યુશન નેટવર્કના વિસ્તરણ પર પણ ધ્યાન આપશે. હાઇડ્રાસ્યોરની યોજના રિટેલ અને મોર્ડન ટ્રેડની સાથે ઇ-કોમર્સ અને ક્વિક કોમર્સ ચેનલ્સ પર પોતાની ઉપલબ્ધતા વધારવાની છે. કંપની એમેઝોન, ફ્લીપકાર્ટ, બ્લીનકીટ, ઈન્સ્ટામાર્ટ અને મીનટ્સ જેવા પ્લેટફોર્મ્સ મારફતે પણ પોતાની પહોંચ વધારવાની તૈયારી કરી રહી છે.

કંપનીનો ઉદ્દેશ વર્ટિકલ અને હોરિઝોન્ટલ બંને સ્તરે ડિસ્ટ્રિબ્યુશનનો વિસ્તાર કરીને સમગ્ર ભારતમાં મજબૂત અને ટકાઉ નેટવર્ક ઊભું કરવાનો છે. વ્યાપક પેન-ઇન્ડિયા વિસ્તરણને સમર 2027 પહેલાં વધુ ગતિ આપવાની યોજના છે.

હાઇડ્રાસ્યોર એન્ટિલા લાઇફસાયન્સિસના સમર્પિત કન્ઝ્યુમર ડિવિઝનને વિકસાવવાની દિશામાં પણ એક મહત્વપૂર્ણ પગલું છે. વર્ષ 2010માં અમદાવાદમાં સ્થાપિત એન્ટિલા લાઇફસાયન્સિસે સ્થાનિક અને નિકાસ આધારિત ફાર્માસ્યુટિકલ બિઝનેસથી શરૂઆત કરી હતી. ત્યારબાદ કંપનીએ તૈયાર ફોર્મ્યુલેશન્સ, સ્થાનિક ફાર્માસ્યુટિકલ્સ અને કન્ઝ્યુમર હેલ્થકેર જેવા ક્ષેત્રોમાં વિસ્તરણ કર્યું.

વર્ષ 2019માં શ્રી રાહિલ શાહ સંસ્થા સાથે જોડાયા બાદ કંપનીએ ઉદ્યોગસાહસિકતા, ઇનોવેશન અને બદલાતી ગ્રાહક જરૂરિયાતો પર વધુ ધ્યાન કેન્દ્રિત કર્યું. વર્ષ 2023માં એન્ટિલાએ ગુજરાતમાં 125 પ્રોડક્ટ્સ સાથે ડોમેસ્ટિક OTC માર્કેટમાં પ્રવેશ કર્યો હતો અને ત્યારબાદ 12થી વધુ રાજ્યોમાં પોતાની કામગીરીનો વિસ્તાર કર્યો છે. કંપનીમાં હાલમાં 250થી વધુ પ્રોફેશનલ્સની ટીમ છે અને WHO-GMP પ્રમાણિત મેન્યુફેક્ચરિંગ સુવિધાઓ કાર્યરત છે, જેની સિસ્ટમ્સ ISO 9001:2015ના ધોરણો સાથે સુસંગત છે.

હાઇડ્રાસ્યોરને એન્ટિલા લાઇફસાયન્સિસના કન્ઝ્યુમર ડિવિઝનના મુખ્ય બ્રાન્ડ્સમાંના એક તરીકે વિકસાવવામાં આવી રહ્યું છે. કંપનીનો ઉદ્દેશ હાઇડ્રાસ્યોર હેઠળ હાઇડ્રેશન સાથે જોડાયેલા વિવિધ પ્રોડક્ટ્સને એક વ્યાપક પોર્ટફોલિયો તરીકે વિકસાવવાનો છે.

કંપનીના અંદાજ મુજબ, ભારતમાં ORS માર્કેટનું કદ વર્ષ 2026માં આશરે ₹900 કરોડથી ₹1,100 કરોડ છે, જ્યારે વ્યાપક હાઇડ્રેશન અને વેલનેસ માર્કેટનું કદ આશરે ₹8,500 કરોડથી ₹10,000 કરોડ વચ્ચે છે. કંપનીના અંદાજ મુજબ ORS કેટેગરીમાં દર વર્ષે આશરે 12થી 15 ટકાની વૃદ્ધિ થઈ રહી છે. માંગમાં સામાન્ય રીતે માર્ચથી જૂન અને ત્યારબાદ જુલાઈથી સપ્ટેમ્બર દરમિયાન વધારો જોવા મળે છે.

કંપનીની આંતરિક બિઝનેસ યોજના મુજબ, હાઇડ્રાસ્યોર આગામી એકથી બે વર્ષમાં ORS માર્કેટમાં આશરે 5થી 7 ટકા હિસ્સો મેળવવાનો લક્ષ્યાંક ધરાવે છે. બ્રાન્ડ પોતાની શરૂઆતની વેચાણ કામગીરી અને ગ્રાહકોની પ્રતિક્રિયાના આધારે ભવિષ્યમાં માર્કેટિંગ રોકાણ અને વિસ્તરણની વ્યૂહરચના પણ નક્કી કરશે.

સત્તાવાર લોન્ચ, સમગ્ર ભારતમાં વિસ્તરણની યોજના અને નવા પ્રોડક્ટ્સની વધતી પાઇપલાઇન સાથે હાઇડ્રાસ્યોરનો ઉદ્દેશ ભારતમાં હાઇડ્રેશન અંગેની ચર્ચાને બીમારી અને રિકવરીથી આગળ લઈ જઈ તેને રોજિંદા જીવનનો વધુ પરિચિત અને સ્વાભાવિક હિસ્સો બનાવવાનો છે.

== સમાપ્ત ==