આ ભાગીદારીનો ઉદ્દેશ ગુજરાતમાં ૧૦,૦૦૦ થી વધુ વિદ્યાર્થીઓ માટે આર્ટિફિશિયલ ઈન્ટેલિજન્સ (AI) ક્લીનર ટેક્નોલોજી અને સસ્ટેનેબલ પ્રેક્ટિસમાં મહત્વપૂર્ણ કૌશલ્યોના અંતરને દૂર કરવાનો છે
ગાંધીનગર 12 ડિસેમ્બર ૨૦૨૪ : ગુજરાત નોલેજ સોસાયટી (કમિશનરેટ ઑફ ટેકનિકલ એજ્યુકેશન, ગુજરાત) એ એડ્યુનેટ ફાઉન્ડેશનના સહયોગથી ગુજરાતના યુવાનોને ભવિષ્ય માટે તૈયાર કૌશલ્યોથી સજ્જ કરવા માટે સ્કીલ્સ4ફ્યુચર પ્રોગ્રામનો પ્રારંભ કર્યો છે. શેલ ઈન્ડિયાના સહયોગથી આ પહેલનો ઉદ્દેશ્ય મહત્વપૂર્ણ કૌશલ્યોના અંતરાલોને દૂર કરવાતેમજ એન્જિનિયરિંગના વિદ્યાર્થીઓને ઇન્ડસ્ટ્રી ૪.૦ રિવોલ્યુશનને આગળ વધારવા માટે જરૂરી અત્યાધુનિક ટેકનિકોમાં બદલાવ કરીને ગુજરાતમાં ટેકનિકલ શિક્ષણમાં પરિવર્તન લાવવાનો છે. આ કાર્યક્રમનો ઉદ્દેશ્ય વાર્ષિક ધોરણે ૧૦,૦૦૦વિદ્યાર્થીઓને પ્રાથમિક કૌશલ્યો અને ૨૫૦૦ વિદ્યાર્થીઓને અદ્યતન તકનીકોમાં તાલીમ આપવાનો છે.
આ પહેલના ભાગરૂપે ડિજીટલ અને ઈલેક્ટ્રીક વ્હીકલ (EV) ટ્રેનિંગ લેબની સ્થાપના પસંદગીની ઈજનેરી કોલેજોમાં કરવામાં આવશે. શેલ ઈન્ડિયાની કોર્પોરેટ સોશિયલ રિસ્પોન્સિબિલિટી (CSR) પહેલ દ્વારા સમર્થિત આ લેબ્સ પ્રાયોગિક શિક્ષણ, હેકાથોન હોસ્ટિંગ, ઈનોવેશન સ્પર્ધાઓ અને અદ્યતન તાલીમ સત્રો માટે કેન્દ્રો તરીકે સેવા આપશે. ગુજરાત નોલેજ સોસાયટીના ક્રેડિટ આધારિત ફ્રેમવર્ક સાથે સંરેખિત પ્રોગ્રામ અભ્યાસક્રમમાં ૫૦ કલાકનો ફાઉન્ડેશન કોર્સ અને ૧૬૦ કલાકનો એડવાન્સ્ડ કોર્સનો સમાવેશ થાય છે, જેમાં એઆઇ,સસ્ટેનેબિલિટી અને ક્લીનર ટેક્નોલોજીમાં એપ્લિકેશન્સ પર મજબૂત ભાર મૂકવામાં આવે છે.
આ સાથે જ આ કાર્યક્રમ ઉદ્યોગના નિષ્ણાતોની આગેવાની હેઠળ વ્યક્તિગત ફેકલ્ટી ડેવલપમેન્ટ વર્કશોપ દ્વારા સમગ્ર શિક્ષણ ઇકોસિસ્ટમને મજબૂત કરવા પર ધ્યાન કેન્દ્રિત કરે છે. આ વર્કશોપ શિક્ષકોને વિશ્વ કક્ષાની ઉદ્યોગ સંરેખિત તાલીમ આપવા માટે સક્ષમ બનાવશે અને કાર્યક્રમોની અસરને વધુ વિસ્તૃત કરશે. નવીનતા, ટકાઉપણું અને રોજગારક્ષમતાને પ્રોત્સાહન આપીને આ સહયોગ રાજ્યમાં ટેકનિકલ શિક્ષણમાં પરિવર્તન લાવવામાં મહત્વપૂર્ણ ભૂમિકા ભજવશે.
ગુજરાત સરકારના ટેકનિકલ એજ્યુકેશન કમિશનરશ્રી બંછા નિધિ પાની (IAS)એ જણાવ્યું હતું કે, ગુજરાત નોલેજ સોસાયટીનો શેલ અને એડ્યુનેટ ફાઉન્ડેશન સાથેનો અમારો સહયોગ આર્ટિફિશિયલ ઇન્ટેલિજન્સ પર ગ્રીન કૌશલ્યો સાથે સેતુના શિક્ષણમાં એક સીમાચિહ્નરૂપ છે, જે આજની પેઢી માટે ખૂબ જ મહત્વપૂર્ણ પાસું છે. રોજગારી ઉદ્યોગની કુશળતા અને તાલીમને હાથ ધરવાથી આ કાર્યક્રમ સુનિશ્ચિત કરે છે કે અમારા વિદ્યાર્થીઓ ઝડપથી વિકસતી ટેક સંચાલિત વિશ્વમાં નેતૃત્વ કરવા માટે તૈયાર છે.
શેલ એનર્જી ઈન્ડિયા પ્રાઈવેટ લિમિટેડના મેનેજિંગ ડિરેક્ટર રાહુલ સિંઘે ઉમેર્યું કે, ગુજરાત નોલેજ સોસાયટી અને એડ્યુનેટ ફાઉન્ડેશન સાથેની અમારી ભાગીદારી યુવાનોને એઆઇ અને ક્લીનર ટેક્નોલોજીઓ જેવી ભવિષ્ય તૈયાર કૌશલ્યોથી સજ્જ કરવા માટે શેલ્સની પ્રતિબદ્ધતાને રેખાંકિત કરે છે. પ્રાયોગિક શિક્ષણ અને ઉદ્યોગ સંરેખિત તાલીમને પ્રોત્સાહન આપીને સ્કિલ્સ4ફ્યુચર પ્રોજેક્ટ ગુજરાતના વિદ્યાર્થીઓને આધુનિક કાર્યબળની વિકસતી માંગને પહોંચી વળવા આવશ્યક રોજગાર કૌશલ્યો સાથે સશક્ત બનાવશે.
વ્યૂહાત્મક ભાગીદારી પર બોલતા એડ્યુનેટ ફાઉન્ડેશનના એક્ઝિક્યુટિવ ડિરેક્ટર નાગેશ સિંઘે જણાવ્યું હતું કે, આ અગ્રણી ફ્યૂચર ફોરવર્ડ પ્રોગ્રામને અમલમાં મૂકવા માટે જીકેએસ અને શેલ ઇન્ડિયા સાથે સહયોગ કરવો ગર્વની વાત છે. અમે ગુજરાતના યુવાનોને ટેકનોલોજીકલ ઇનોવેશન અને ટકાઉપણું દ્વારા ચિહ્નિત થયેલ યુગમાં વિકાસ પામવા માટે સશક્તિકરણ કરી રહ્યા છીએ. સ્કિલ૪ફ્યૂચર એ માત્ર શૈક્ષણિક પહેલ નથી પરંતુ સકારાત્મક લાંબા ગાળાની આર્થિક અને પર્યાવરણીય અસર માટે ઉત્પ્રેરક છે.
સહભાગીઓને ઉદ્યોગ ભાગીદારો પાસેથી સહ-બ્રાંડેડ પ્રમાણપત્રો પ્રાપ્ત થશે, જે તેમના ઓળખાણપત્રને વધારશે. વધુમાં સ્થાનિક અને પ્રાદેશિક ઉદ્યોગો, સરકારી સંસ્થાઓ અને સ્થાનિક સ્ટાર્ટ અપ ઇકોસિસ્ટમ સાથે શીખનારાઓને જોડીને આ કાર્યક્રમ મૂલ્યવાન પ્લેસમેન્ટની તકો ઊભી કરશે. આ જોડાણો શીખનારાઓને લાભદાયક રોજગાર અથવા ઉદ્યોગસાહસિક તકો સુરક્ષિત કરવામાં મદદ કરવા માટે ડિઝાઇન કરવામાં આવ્યો છે.
